هل نحن جيل تافهة ام مظلوووووووووم...ممكن تناقشونى

احنا جيل هايف؟؟ و لا جيل مظلوم؟؟

أريد ان اعرف رأيك هــل نحن جيـــل هايـــــــف ...

طبعا العنوان مستفز بس دة الواقع
و دة اللى بيتقال على الجيل دة
اللى احنا جزء منة
و فية كتير مننا شايفين
ان الجملة دى صحيحة
و تنطبق على الكثير
و لكن اسمحولى
أخدكم معايا
زى رحلة
طويلة شوية
لننظر سويا الى الجملة
بنظرة اعمق و اشمل
بمعنى اصح
نشوف الاسباب
و الجو المحيط
بهذا الجيل
و الذى نشأ و ترعرع فيه

(أولا)
الحكومة العامل الأساسى
فى تنظيم المجتمع
و تلبيه احتياجاتة
و طبعا الحكومة غنية عن التعريف
اهتمت
بأن تضيق على الشعب
ماديا و فى كل شئ
فاصبحت المرتبات قليلة جدا
و الاسعار اصبحت فى علو مستمر
و امور كتيييييير انتم فى غنى عن سماعها
و معروفة

(ثانيا)الاسرة
عماد المجتمع
و العامل الأساسى
فى تكوين
شخصية و فكر الفرد
اصبح الزوج او الاب
مشغول بجمع المال و العمل
فى مجتمع صعب العيش فيه
حول اشخاص يشعرون
بفقد قيمتهم و كونهم بشر
الام
اصبحت مشغولة إما
بالعمل و جمع المال مع زوجها
او العمل فى البيت و ترك مجال العمل
و لكنها نست ان هناك تغير مستمر فى المجتمع
و تقدم
فاصبح هناك حاجز كبير بين تفكيرها و تفكير اولادها
و زوجها ايضا
و يسلام بقى على الامهات
اللى بتشجع
بناتها
على اللبس الجرئ
او انها اما تعجب بواحد
ممكن تحبة و تمشى معاة و تكلمة
خوفا عليها
(عارفين طبعا ليه)
و الاب مش مشكلة دورة
او الأخ
فأين الأولاد من كل ذلك؟

(ثالثا)المدرسة
طبعا الطالب
بيدخل المدرسة و لدية نظرة تقدير و إحترام
لمدرس
يبدأ يجد ان لا اهمية له
فكل ما يشغلة جمع المال
و ان يقرأ الجرائد او يأكل فى الحصة
فصورة المدرس
تهتز لدى الطالب
و طبعا الطالب التى نشأتة غير سليمة
او غير سوية
بيستخدم اسلوب عدم الحياء
و بالتالى بيخرج
الطالب من هذة المرحلة
ليس على درجة عاليه
من العلم
المفروض نكون عليه
و يفتقد الكثير
الجامعة
المفروض الطالب
خلال الجامعة
يكون ملم و يجد
من ينمى عندة موهبة الإبتكار
او انة ازاى يتخرج من مجاله
و هو فاهم بيعمل اية
و طبعا كلكم خريجين جامعات" او لسه ان شاء الله "
و عارفين اللى بيحصل
فى كل جامعة على حدا

(رابعا)مجال الحياة
يبدأ الشخص
يتخرج من الجامعة
لدية أحلام و أمال كثيرة
منها الاحلام الطموحة جدا
و منها المتوسطة
فيسعى لتحقيقها
و لكنة يصطدم بالواقع
الأليم
منها الكوسة و منها الرشوة
و منها عدم احترام أدميتة التى اصبحت منتشرة بشكل
ينرفز بجد
و غيرها
و طبعا اللى مجربش بيسمع
و بالتالى بيحدث عنة حالة من اليأس
او الخمول
او الخوف
بعد كل دة
عايزينا جيل عامل ازاى
فعذرا
نحن لسنا جيل هايف او ملهوش لزمة
نحن جيل مظلوووووووووووووووووووم

السلام عليكم ورحمة الله وبركاته
موضوعك مهم جدا يارودي ويستحق فعلا المناقشة ، وانا هقولك رأيي بكل صراحة :
احنا فعلا بيتقل علينا اننا تافهين عشان اغلبنا كده ، وفي نفس الوقت احنا مظلومين (لكن في حاجات معينه مش في كل حاجة ) عشان اغلبنا كده لان في شباب واخد حقه اربعة وعشرين اراط بسبب الوسطة اللي مش من حقه .
لكن رغم دى كله الا ان في مننا كتير يستحق الظلم اللي هو فيه ، لانه مش بيدافع عن حقه ولا حتى بيحاول تغيير اللي هو فيه .
وكل جيل بيشوف الجيل اللي بيجي بعده ان جيل تافه ومرفه في نفس الوقت .
وعشان نغير كل اللي بيتقال عننا وكل اللي بيحصل لنا من ظلم : لازم كل واحد فينا يبدأ بنفسه اولا بدل ما بيبدأ في تغيير غيره ، وأولا وأخيرا الاعتماد على الله في مسألة التغيير.
وشكرا ياجميل على الموضوع الجامد

اولا شكرا على مرورك ياسما

بس صدقينى احنا جيل مظلوم اكتر مانكون جيل تافهة

عارفة لية لاننا لو كنا جيل تافهة فالاهالى هما اللى عودونا على كدة عودونا على عدم الاعتماد على نفسنا

وفى ظروف البلد اللى احنا فيها دى خلو الشباب بقة متكاسل جدا فى كل حاجة

فبلتالى احنا جيل مظلوم ولا اية رئيك

» انا اسكندراني اصيل ممكن ترحبو بيا ولا امشي