ازاى تكون رزل فى المواصلات

ازاى تكون رزل فى المواصلات يعنى اتوبيس كدة يعنى

لو راكب فى باص أو ميكروباص وجنبك حد نايم اوعى تسيبه نايم
كل شوية اقعد قول وصلنا عشان يصحى مخضوض لو عمل اهبل صحيه وقوله مش انت نازل هنا بيتهيألى

لو مش نايم متسيبوش فى حاله برضه عيب عليك متجيش
ركز على سؤال واقعد اسألهوله كل شوية زى أنت نازل فين طب انت دفعت ولا لأ

لو قاعد هو جنب الشباك جوه وقالك عدينى قوله رجلى منملة مش قادر وخليه ينط زى القرد
أو قوله ماتنزل من الشباك

لو انت فى أتوبيس وقاعد على كرسى وجنبك ناس واقفة استمتع بقى وخدك وقتك
اتمطع بقى وقول ياسلام على الراحة الواحد مكنش عارف هيعمل أيه لو مش قاعد

لو العكس بقى اقعد اسأل كل واحد انت نازل فين واقعد قول بصوت عالى
ياجماعة محدش نازل قريب أصل انا عايز اقعد طول مانت واقف قول كده لحد مايقعدوك

لما الكمسرى يجى ياخد منك الاجرة اسأله على تمن كذا مكان
يعنى قوله هو لغاية الحتة الفلانية بكام طب لغاية الحتة دى بكام
اسأل على تمن كل الاماكن اللى تعرفها لحد مايقولك ياعم خلصنى رايح فين
قوله مانا عشان ابقى عارف بس وتقل فى العيار يمكن يسيبك ويمشى

لما يدى حد تذكرة قوله ورينى كده لو سمحت واقعد اتأمل فيها
لحد ما صاحبها يزهق ويشدها منك

فى مفتش بقى ساعات بيطلع يفتش على التذاكر وبيطلع على السريع كده وينزل
أنت بقى اوعى تديهاله علطول كده أزعل منك والله
دور عليها ساعة حط ايدك فى جيوبك مية مرة هيقولك خلص يا استاذ قوله ثوانى كانت معايا والله
واقلع الجذمة ودور فيها وفى الاخر طلعها من بوقك بعد مايكون هو مات من الملل وقوله مش قولتلك

كفاية كده بقى حرام المفروض تنزل قبل الناس ماتموت منك
أستنى رايح فين أنت نازل عادى كده ولا كأنك رذل ولا حاجة
وأنت نازل هيبقى فى ناس واقفة أعمل نفسك مش عارف تعدى
وحاول تجاهد على قد ماتقدر وتضيع الوقت اللى تقدر عليه
لحد الناس ماتشيلك وترميك بعد ماتكون جبتلهم السكر ورفعت ضغطتهم

كده إنتهت الحصة الأولى
واللى عنده أى إضافة مفيش مانع
أهو معلومة ونستفيد منها كلنا

ههههههههههههههههههه

دة اية كمية الرزالة دي

دة مش بعيد يرمونى من الباص

لو قاعد هو جنب الشباك جوه وقالك عدينى قوله رجلى منملة مش قادر وخليه ينط زى القرد
أو قوله ماتنزل من الشباك

لو انت فى أتوبيس وقاعد على كرسى وجنبك ناس واقفة استمتع بقى وخدك وقتك
اتمطع بقى وقول ياسلام على الراحة الواحد مكنش عارف هيعمل أيه لو مش قاعد

لو العكس بقى اقعد اسأل كل واحد انت نازل فين واقعد قول بصوت عالى
ياجماعة محدش نازل قريب أصل انا عايز اقعد طول مانت واقف قول كده لحد مايقعدوك

ههههههههههههههههههههههههه
ولا كانك بتكونى راكبه معانا البولمان ههههههههههههههه بس كده مش هيرمونى من الباص بس ده هيحطونى قدامو ويمشو عليا

ميرسى يا شوشو على الموضوع التحفه ده

مرسى يا جاميكا انتا و تايجر على ردودكوا الجميله
بس كان ليه كومنت بسيط على كلامك يا جاميكا دى مش كمية رزاله ده دى الرزاله نفسها
بس كنت عايزه اسالكوا سؤال وياريت كلكوا ترضوا ياجماعه لو اعد جمبكوا فى الباص بنى ادم رزل زى ده ممكن تعملوا فيه ايه؟
انا عن نفسى لو حصل معايا موقف زى ده ممكن مركبش باص تانى ابدا.
معلش يا جماعه طولت عليكوا باااااااااااااااااااااااااااااااى

لو اعد جمبكوا فى الباص بنى ادم رزل زى ده ممكن تعملوا فيه ايه؟

اولا انا عاوز اقولك حاجه على موضوع طولتى انتى تعملى اللى انتى عاوزاه واللى مش عاجبه انا بقى هعرف ازاى اربيه هجيبلو واحد رزل زى الواد اللى فى الموضوع ده هههههههههههههه

بصى يا ستى انا هقولك انا هعمل ايه انا بطبعى عصبى يا اما هحرجه بطريقه رخمه شويه يا اما هنفضلوا ودى بردو نوع من الاحراج واحط السماعات فى ودانى واقعد اسمع اغانى وخلاص بس المهم انى اكون ارزل منو ومردش عليه وبردو منزلش

» ازاى ترفعى ضغط الشباب!!!!!!!!!!!